top of page
  • AutorenbildIlka Blasig

24-Stund'n Tennis-Turnier

Es is wieda moi soweit!

Am Freitag, den 21.07.2023 umara 18 Uhr beginnt des 22ste 24-Stund'n Tennis-Turnier vom SC-MOOSEN. Wehe dem der frogt, wann's dann aus is!

Da Ablauf und de Modalität'n soit'n noch üba 20 Johr bekannt sei. Drum spar'n mia uns des Ois ins kloanste Detail zum erklär'n.

A Startgebühr is wia oi Johr zum zoin, dodafia gibt’s wos zum Ess'n, Dringa, T-Shirt und an Haufa Gaudi, auf und neba de Plätz! Madl'n 30ßg €/Buam 40zg €/Nichtabteilungsmitglieder 50zg €.

Punkteregelung wead wieda so g'macht, dass a da Nicht-Superstar/ de nicht Superstarin guade Chancen hod, vorn dabei zum sei.

G'spuid wean Oanzl, Doppe und de g'fürchtet'n Sonderspiele. Mehra Infos zwegs Auslosung, wer, wann, mit wem, usw. wean kurz vorm Turnierbeginn erst bekannt geb'm. Wer ois Teilnehmer gmoid is und kurzfristig obsogn miaßat, wos hoffentlich ned vorkimmt, huift uns bitte an Ersatz zum find'n. Spielgemeinschaften san wieda möglich und a de Anmeldung ois Ersatzspieler/in, fia Olle de ned as ganze Turnier Zeit hob'm.

Bitte trogt's eich im Tennisheim bis zum 02.07.2023 in oane vo de Meldelist'n ei. Dann brauchat ma no de g'wünschte T-Shirt Gräß und eire Telefonnumman ned vogess'n! So kenna mia uns zeitig um de Organisation kümmern und Shirts b'stoin.

Weitere Info's, fois irgendwem aus irgendoam Grund, irgendwos ned klar sei soitat, obwoi mia des gor ned vasteh kannt'n, weil mia ja Ois scho so oft durchg'spuid hob'm, frogt de Ilka oda an Grise.


Tel: 01573/2937999

40 Ansichten0 Kommentare

Comments


bottom of page