24-Stund’n-Tennis-Turnier

Es is moi wieda soweit und des zum 24ten moi!

Am Freidog, den 01. August 2025 um 18 Uhr beginnt des 24ste 24-Stund’n-Tennis-Turnier des SC Moosen. Treffpunkt is um 17.30 Uhr am Sportheim. Wehe dem der frogt, wann’s dann aus is!

Da Ablauf und de Modalitätn solltn noch üba 20 Johr bekannt sei. Drum spar ma uns des Ois ins kloanste Detail zum erklärn.

A Startgebühr is wie jedes Johr zum zoin, dafür gibt’s wos zum Ess‘n, Dringa, a T-Shirt und an Haufa Gaudi, auf und neba de Plätz!

Mitglieder Tennisabteilung: Mädls 45 €/ Buam 55 €

Nichtabteilungsmitglieder: Mädls 55€/ Buam 65 €.

Geld werd bei Turnierstart eingsammelt.

Punkteregelung werd wieda so gmacht, dass a de Nicht-Tennis-Superstars guade Chancen ham, vorn dabei zum sei. Gspuit wern Einzel, Doppe, Mixed und de gfürchteten Sonderspiele.

Mehra Infos zwegs Auslosung, wer, wann, mit wem, usw. wean kurz vorm Turnierbeginn erst bekannt geb’m.

Wer ois Teilnehmer gmoid is und a Shirt bstoid hod, der muaß des a nehma, a wenn er kurzfristig obsog’n dad (Fällig wean ca. 15 €).

Spielgemeinschaften san wieda möglich und a de Anmeldung als Ersatzspieler/-in, für olle de ne das ganze Turnier Zeit ham oder während dem Turnier ausfoin solltn.

Bitte trogts eich am Tennisheim bis zum 13. Juli 2025 in de ausghängte Meldelistn ei (Teilnahme erst ab 18 Jahren!)

Dann brauch man no de gwünschte T-Shirt Größe (es gibt Mädls- und Buam Größen) und eure Telefonnumman ned vergessn! Wia jeds Johr gibt’s wieda a Whatsapp-Gruppn mit ollen Teilnehmern für de weiteren Infos.

Heuer mit neuem Orgateam und wir hoffan auf eure Mithilfe und Unterstützung!

Bei Rückfragen, frogts d’Sophia und d’Karina!