24-Stund'n Turnier

Es is wieda moi soweit!

Am Freitag, den 05.07.2024 umara 18 Uhr beginnt des 23ste 24-Stund'n Tennis-Turnier vom SC Moosen. Wehe dem der frogt, wann's dann aus is!

Da Ablauf und de Modalität'n soit'n noch üba 20 Johr bekannt sei. Drum spar'n mia uns des Ois ins kloanste Detail zum erklär'n.

A Startgebühr is wia oi Johr zum zoin, dodafia gibt’s wos zum Ess'n, Dringa, T-Shirt und an Haufa Gaudi, auf und neba de Plätz! Madl'n 35ßg €, Buam 45zg €, Nichtabteilungsmitglieder w/m 45/55zg €.

Punkteregelung wead wieda so g'macht, dass a de Nicht-Superstars guade Chancen hom, vorn dabei zum sei.

G'spuid wean Oanzl, Doppe, Mixed und de g'fürchtet'n Sonderspiele. Mehra Infos zwegs Auslosung, wer, wann, mit wem, usw.

wean kurz vorm Turnierbeginn erst bekannt geb'm. Wer ois Teilnehmer gmoid is und a Shirt b'stoit hod, der muaß des a nehma, wenn a kurzfristig obsog'n dad. (Fällig wean na de 15,- €)

Spielgemeinschaften san wieda möglich und a de Anmeldung ois Ersatzspieler/in, fia Olle de ned as ganze Turnier Zeit hob'm.

Bitte trogt's eich im Tennisheim bis zum 15.06.2024 in de ausg'hängte Meldelist'n ei, oder sogt's es mia. Dann brauchat ma no de

g'wünschte T-Shirt Gräß und eire Telefonnumman ned vogess'n! Zwoa von unsere Orga-Profis san nimma mit im Team, drum suach ma für'd Vorbereitungen und Ausrichtung 2-3 Freiwillige!

Für weitere Info's, frogts d'Ilka oda an Grise. Mobil-Nr: 01573/2937999 ... a fia Anmeldungen per Whats-App!